14. október 2020

Heimsóknarreglur hjúkrunarheimila HSA

Ágætu aðstandendur

Framkvæmdastjórn HSA hefur endurskoðað reglur um heimsóknir til íbúa hjúkrunarheimila HSA. Heimsóknarreglur á hverjum tíma taka mið af útgefnum leiðbeiningum Embættis Landlæknis

Heimsóknarreglur:

  • Allir gestir skulu nota maska á meðan heimsókn stendur.
  • Gestir sem hafa dvalið á höfuðborgarsvæðinu s.l. 14 daga komi ekki í heimsókn nema með leyfi deildarstjóra.
  • Aðeins einn gestur er leyfður í heimsókn til hvers íbúa og aðeins ein heimsókn á dag. Deildarstjóri getur veitt undanþágu ef hann metur það nauðsynlegt:
    • Íbúi er á lífslokameðferð
    • Íbúi veikist skyndilega
    • Um er að ræða neyðartilfelli
    • Hann metur það svo að nauðsynlegt sé að rjúfa þessa reglu
  • Ekki eru ákveðnir heimsóknartímar fyrir gesti en þeir eru beðnir um að fara rakleiðis að herbergi íbúa og aftur að útidyrum að heimsókn lokinni. Ef íbúi býr á tvíbýli þarf að finna heimsókninni annan afmarkaðan stað á deildinni.
  • Gestir mega ekki staldra við í sameiginlegum rýmum heimilis.
  • Gestir skulu virða 1 metra nándarmörk og forðast beina snertingu við íbúa (á ekki við um hjón og sambúðarfólk).
  • Gestir þvo hendur með sápu og spritta áður en gengið er inn á heimili og einnig við brottför. Þeir forðast beina snertingu við íbúa eins og hægt er. MUNIÐ 1 metra nándarmörk!

  • Gestir mega ekki koma í heimsókn ef þeir:
    • Eru í sóttkví.
    • Eru í einangrun (einnig meðan beðið er niðurstöðu úr sýnatöku).
    • Hafa dvalið erlendis eða á höfuðborgarsvæðinu og ekki eru liðnir 14 dagar frá heimkomu.
    • Hafa verið í einangrun vegna COVID-19 smits og ekki eru liðnir 14 dagar frá útskrift.
    • Eru með einkenni (kvef, hósta, hita, höfuðverk, beinverki, þreytu, kviðverki, niðurgang o.fl.).

Aðstandendur sem hyggja á heimsóknir inn á hjúkrunarheimili HSA eru sérstaklega beðnir um að gæta ýtrustu smitvarna í sínu daglega lífi og með því minka líkur á smiti.

Með vinsemd og virðingu,
Framkvæmdastjórn HSA