Vegna tilmæla sóttvarnalæknis um að ákveðnir hópar njóti forgangs við inflúensubólusetningar er bólusetning einungis í boði fyrir þá hópa fram til 30. október.

Forgangshópar eru:

• Allir einstaklingar 60 ára og eldri.
• Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum. 
• Barnshafandi konum.
• Heilbrigðisstarfsmenn.

Bóluefnið er forgangshópum að kostnaðarlausu en greiða þarf komugjald eftir því sem við á. 

Tímabókanir eru í s. 470 3001 á milli kl. 9 - 15:00 alla virka daga og hefjast fyrir forgangshópa 8. október. Frá 30. október verður opnað fyrir almennar tímabókanir. 

Nota skal grímu í heimsókn þinni á heilsugæsluna og liggja þær frammi við innganginn. 

Hafir þú kvefeinkenni s.s. hita, hósta, slappleika eða beinverki, þá vinsamlega mættu ekki í bókaðan tíma, heldur hringdu í flýtivakt hjúkrunarfræðinga í síma 470 3000, þar sem einkenni þín verði metin.