07. ágúst 2020

Takmarkanir á heimsóknum á hjúkrunarheimili HSA

Ágætu aðstandendur

Þar sem COVID-19 smitum hefur fjölgað í samfélaginu síðustu daga og hættustigi almannavarna hefur verið lýst yfir teljum við nauðsynlegt að bregðast við til að vernda okkar viðkvæma hóp. Í ljósi þess hefur framkvæmdastjórn HSA ákveðið að takmarka þann fjölda sem kemur inn á hjúkrunarheimili HSA á hverjum tíma á þann hátt að aðeins má einn aðstandandi heimsækja hvern íbúa hverju sinni.

Heimsóknarreglur:
• Aðeins einn aðstandandi má heimsækja hvern íbúa hverju sinni.
Undanþága er aðeins veitt við mikil veikindi íbúa og þarf að fá leyfi stjórnenda deildar. Reiknað er með að aðstandendur sem koma í heimsókn gæti ýtrustu varúðar í sóttvörnum og skoði hvað sóttkví þýðir en þó megi aðstandandi fara í sína vinnu ef viðkomandi vinnur ekki í móttöku í búð eða á stórum vinnustað. Hann geti farið í verslanir en reyni að fara ekki á háannatíma. Noti maska eða andlitsgrímur ef hann getur ekki tryggt 2 metra reglu í samskipum við aðra og sé ekki á fjölmennari samkomum en þar sem 10 einstaklingar komi saman.
• Viðkomandi þarf að spritta hendur um leið og komið er inn, í upphafi heimsóknar.
• Við biðjum ykkur um að fara beint inn á herbergi til íbúans og ekki stoppa og spjalla á leiðinni. Ef íbúi er ekki inni á herbergi biðjið þá starfsfólk um að sækja hann, ekki gera það sjálf.Virðið 2ja metra regluna og forðist snertingu við íbúa eins og hægt er.
• Að heimsókn lokinni farið þá beint út án þess að stoppa og spjalla á leiðinni. Vinsamlegast sprittið hendur við brottför. 
Sjá viðtal við Önnu Birnu Jensdóttur (byrjar á 12:20 mín)


Vinsamlega kynnið ykkur eftirfarandi reglur:
a. Ekki koma í heimsókn ef þú ert í einangrun eða sóttkví.
b. Ekki koma í heimsókn ef þú ert að bíða eftir niðurstöðu úr sýnatöku.
c. Ekki koma í heimsókn ef þú ert með flensueinkenni (kvef, hósta, höfuðverk, beinverki, þreytu, kviðverki, niðurgang ofl).
d. Ekki koma í heimsókn ef þú varst erlendis fyrir minna en 14 dögum.

Þessar reglur taka gildi kl. 12:00 þann 10. ágúst 2020.

Þessar reglur verða endurskoðaðar eftir þörfum og þið verðið upplýst um leið og einhver breyting verður.

Með vinsemd og virðingu
Framkvæmdastjórn HSA