Sjúkrahúsþjónusta
Heilbrigðisstofnun Austurlands starfrækir Umdæmissjúkrahús Austurlands í Neskaupstað.
Heimsóknartími
Virka daga milli kl. 15 og 20
Grímunotkun er valkvæð.
Gestir eru beðnir að koma ekki í heimsókn séu þeir með öndunaræraeinkenni eða einkenni annarra smitsjúkdóma.
Hér eru gerðar allar helstu aðgerðir sem flokkast undir almennar skurðlækningar s.s. gallblöðrutökur með kviðsjá, kviðslitsaðgerðir bæði opnar og með kviðsjá og botnlangatökur. Auk þess minniháttar aðgerðir eins og fjarlæging á húðbreytingum og góðkynja æxlum undir húð. Hér eru einnig gerðar maga- og ristilspeglanir, bæði vegna sjúkdóma og í forvarnarskyni. Skurðlæknir er alltaf á vakt.
Sjúkrahúsið er heimsótt reglulega af öðrum sérfræðingum sem framkvæma aðgerðir í sinni sérgrein. Þetta eru kvensjúkdómalæknir, þvagfæraskurðlæknir og háls- nef- og eyrnalæknir. Bæklunarlæknir kemur einnig reglulega og er með móttöku, en ekki aðgerðir.
Yfirlæknir deildarinnar er Jón H. H. Sen, jon@has.is
Deildarstjóri er Hrönn Sigurðardóttir, hronn@hsa.is
Á Umdæmissjúkrahúsi Austurlands eru stundaðar almennar lyflækningar. Um þessar mundir er aðeins einn fastráðinn sérfræðingur í hlutastarfi við deildina, en nokkrir lyflæknar eru lausráðnir og staðan að mestu leyti mönnuð. Þeir lyflæknar sem manna stöðuna eru með undirgreinar í blóðmeinafræði, lungnalækningum, nýrnalækningum og taugalækningum. Einnig kemur reglulega sérfræðingur í hjartalækningum á sjúkrahúsið.
Hjá HSA starfa sjö ljósmæður sem sinna mæðravernd, fræðslu, nálastungum, fæðingum, sængurlegu og heimaþjónustu á Austurlandi.
Við byrjun meðgöngu er hægt að fá símatíma við ljósmóður sem fer yfir atriði svo sem mataræði á meðgöngu og fósturskimanir. Ljósmóðir getur vísað konum sem þurfa sónar áfram.
Pöntun tíma/símatíma í mæðravernd
Djúpavogur s. 470 3090
Reyðarfjörður s. 470 1420
Eskifjörður s. 470 1430
Neskaupstaður s. 470 1450
Egilsstaðir s. 470 3000
Seyðisfjörður s. 470 3060
Sónarskoðanir
Sónarskoðanir eru framkvæmdar í Neskaupstað, á Egilsstöðum og Seyðisfirði.
Athugið að beiðni þarf frá heimilislækni eða ljósmóður til að fara í sónarskoðanir.
Beiðni um endurhæfingu, iðju- eða sjúkraþjálfun þarf að fá hjá lækni.
Meðferð einstaklinga í endurhæfingu felst einkum í að auka hreyfifærni og hjálpa fólki til sjálfshjálpar.
Sjúkraþjálfun
Iðjuþjálfun
Færniþjálfun
Verkjameðferð
Þol/þrekþjálfun
Ráðgjöf
Þjálfun í sundlaug
Fræðsla
Sérstakir lífsstílshópar hafa verið starfræktir innan vébanda Endurhæfingardeildar Umdæmissjúkrahúss Austurlands í Neskaupstað. Þar á meðal eru sérstakir hópar í endurhæfingu hjarta- og lungnasjúklinga og þeirra sem kljást við ofþyngd.
Rannsóknarstofur HSA eru tvær, á Umdæmissjúkrahúsi Austurlands í Neskaupstað og á heilsugæslustöðinni á Egilsstöðum.
Á rannsóknarstofunum eru framkvæmdar allar helstu rannsóknir í blóðmeina- og meinaefnafræði, hormóna- og lyfjamælingar og allar algengustu ræktanir.
Rannsóknarþjónusta er alla virka daga.
Blóðtaka og móttaka sýna:
Neskaupstaður; kl. 08:00 – 12:00 alla virka daga.
Egilsstaðir; kl. 09:00 – 12:00 mánudaga og föstudaga, kl. 08:00 – 12:00 þriðjudaga, miðvikudaga og fimmtudaga.
Brýnt er fyrir fólki að kanna hvort það þurfi að vera fastandi fyrir viðkomandi rannsókn.
Þvagsýni þurfa að berast fyrir kl. 10 og er morgunþvag ávallt best.
Tækjabúnaður til röntgenmyndatöku eru á Umdæmissjúkrahúsi Austurlands og á heilsugæslustöðvum Egilsstaða og Seyðisfjarðar.
Rannsóknarstofur HSA
Leiðbeiningar um töku þvagsýna
Leiðbeiningar fyrir blóðprufur
Myndgreining
Tölvusneiðmyndir
Röntgenmyndataka
Ómskoðun
Hjartaómskoðun
Önnur þjónusta
Ljósameðferð
Svefnrannsóknir
Holterrannsóknir
Á Umdæmissjúkrahúsi Austurlands er vel tækjum búin röntgendeild með hefðbundnum röntgentækjum sem helst eru notuð til greiningar á brotum, og fullkomið sneiðmyndatæki sem er notað til greiningar á fjölmörgum vandamálum.
Ekki er segulómtæki á sjúkrahúsinu og þarf því að vísa sjúklingum sem þurfa á segulómrannsókn að halda, t.d. á hrygg eða liðamótum, til Akureyrar eða Reykjavíkur.
Tæki til röntgenmyndatöku eru einnig á heilsugæslustöðvum Egilsstaða og Seyðisfjarðar.
Heilbrigðisstofnun Austurlands (HSA) spannar gríðarstórt landsvæði allt frá Bakkafirði til Álftafjarðar, alls um 16.200 ferkílómetra svæði. Heilbrigðisþjónusta í 11 þéttbýliskjörnum með á fjórða hundrað starfsmönnum kallar á öflugar stoðdeildir. Þar er átt við eldhús, ræstingar, þvottahús, eignaumsýslu, tækniþjónustu, innkaup ofl.
Sími
8606841
Ljósmæður svara allan sólarhringinn, alla daga.
Vakthafandi ljósmæður sjá um neyðarmóttöku fyrir þolendur kynferðisofbeldis.
Hlutverk ljósmæðra er að:
veita aðhlynningu eftir brot
gera réttarmeinafræðilega skoðun, sé hennar þörf, í samstarfi við lækna
veita aðstoð við að leita til réttindagæslumanns og lögreglu
vísa á áfallahjálp eða geðheilsuteymi
kynna þolendum þá valkosti sem þau hafa með framhaldið
Aðkoma lögreglu er ekki skilyrði til að fá aðhlynningu og ákvörðun um kæru þarf ekki að liggja fyrir.
Einnig má fá aðhlynningu vegna kynferðisofbeldis á öllum heilsugæslustöðvum stofnunarinnar, á bráðamóttöku Sjúkrahússins á Akureyri eða bráðamóttöku Landspítalans.
Þolendur eru hvattir til að leita aðstoðar eftir kynferðisbrot, burtséð frá tíma frá broti, eðli brots eða alvarleika.